Help
tlhabollo ya ekonomi — Sesotho sa Leboa
Boemo bjo bobotse bja ditšhelete bja setšhaba bja naga goba sehlopha se se itšego lefelong goba seleteng se se itšego; ya mathomo ke tekanyo ya bosetšhaba gomme ya mafelelo ke tekanyo ya selegae. Tlhabollo ya ekonomi ya naga goba ya sehlopha sa batho, ka teori e feta go maemo a mmalwa, e lego boemo bja ditiro tša praemari (bjalo ka temo ya go iphediša, go thea dihlapi le go bjala dithokgwa), gwa latela boemo bja ditiro tša ekonomi tša sekontari (bjalo ka tšweletšo le tšweletšo ya intasteri ya dithoto tša bareki), go ya go ditiro tša thešiari (bjalo ka ditirelo le ditiro tša kamogelo ya baeng) gomme mafelelong ke boemo bja khwatenari bja tlhabollo ya ekonomi, moo ditiro tše kgolo tša ekonomi e lego ditiro tša tsebo le tshedimošo (bona “tlhabollo”, “dinaga tše di hlabologago” le “ekonomi tše pedi”). Dimmotlolo tša go fapanafapana di boletšwe go hlaloša maemo a tlhabollo ya ekonomi. Tša go tsebalega kudu ke tša Rostow tše di dirišwago dinageng tša go huma, tše di hlabologilego bjalo ka dinaga tša Bodikela bja Yuropa le dinaga tša Leboa la Amerika, mmotlolo wa Barke le O’Hare wo o dirišwago go dinaga tša go diila, tše di hlabologago tša Afrika le Asia, le mmotlo wo bohlokwa kudu wa Friedman wo o hlalošago diphethene tša sekgoba tša tlhabollo ya ekonomi le go hlaloša kabo ya thutafase ya lefelo ya maemo a go fapanafapana a lehumo lefelong, bjalo ka toropo goba naga. Go phela gabotse ga batho bjalo ka go ba gona ga ditirelo tša kalafo, maemo a magareng a tsebo ya go bala le go ngwala le thuto, le go ba gona ga ditirelo tša leago ga di elwe hloko ge boemo bja tlhabollo ya ekonomi bo hlalošwa.
