Help
ekosentrisime — Sesotho sa Leboa
Filosofi, goba tsela ya go nagana, ye e bonago tikologo bjalo ka selo se bohlokwa kudu, mola dikgahlego tša batho bjalo ka tlhabollo ya theknolotši le ekonomi di bonwa bjalo ka dilo tše di sego bohlokwa kudu. E ka ba pono ye e feteletšego gomme gantši e dirwa ya politiki. Ke filosofi ye e latelwago ke boratikologo ba go fapanafapana le mekgatlo ya tikologo. Tše di a fapana go tšwa go dihlopha tše di nago le dipono tše mabapi le setšhaba (bjalo ka Earthlife Africa), go ya go batutuetši ba diphetogo tše kgolo tša Greenpeace le dihlopha tša dipono tše di feteletšego tša tikologo, tše di dirwago tša dipolitiki, eupša tša go šira (bjalo ka Earth First! le Environmental Liberation Front tša bo1980), go ya go mekgatlo ya ka sephiring ya botšhošetši bjo šoro bja tikologo. Filosofi ya ekosentrisime e hwetša tlhalošo ya yona ye e feletšego go tšwa go dikgopolo tše di fapafapanego tša Ekolotši le Filosofi ya tikologo, tše di phegelelago go boloka ditokelo tša tikologo le go godiša maphelelo a bonolo, a go se be a theknolotši, a go se be a materiale, a go se be le dithoto.
