Help
seswantšho sa boyo — Sesotho sa Leboa
Seka seo e lego seswantšho sa lefelo kgopolong ya batho. Ge batho ba nagana ka Lešoka la Diphoofolo la Bosetšhaba la Kruger, gateetee ba nagana ka “Tše hlano tše kgolo”, e lego ditau, mapogo, ditšhukudu, dinare le ditlou. Seo ke seswantšho seo batho ka bontši ba bago le sona ka boyo bjo gomme seo ke lona lebaka leo baeti ba bantši ba yago gona. Ge ba boa, mang le mang o botšiša ge e ba o bone ditau le diphoofolo ka moka tša tše Hlano tše Kgolo. Lefelo le lengwe le le lengwe la go tuma goba la go tsebalega le na le seswantšho. Seswantšho sa New York City ke Manhattan le Sehlwaseeme sa Tokologo, Paris e amantšwa le Tora ya Eiffel Tower, Rome le mašupi a baroma, Hong Kong le meago ya kgauswi le kgauswi ye metelele, Las Vegas e tswalanywa le go kempola, seswantšho sa Arizona ke leganata gomme Grand Canyon, tša Egepeta ke dipiramiti, Russia e ra gore mafelo a molala a lehlwa, gomme Afrika ka moka e ra gore melala ye megolo, ya go se be le selo ya dikgama tše ntšintši, tau ya sebokwa e swara pitsi le dikwena di e ja dikgokong. Babapatši ba tla ba ba fahlegile ge ba sa šomiša diswantšho tša mayo a go ikhola, gomme tlhohlo ya bona ke go kgodiša baeti gore go na le tše ntši go mayo a go feta mafelo a a go tsebalega kudu a “seswantšho”. Boyo bja baeti bja go hloka seswantšho sa go tsebalega kudu bo swanetše go fetoša sebopego sa bjona sa go ikgetha goba sa go kgahliša kudu go ba sa kgoketšo kudu, “sa go swanelwa ke go bonwa” go ka goketša baeti le go šomiša seswantšho se go ka hola boyo. Kgodišo ye botse ya UNESCO ya mafelo ka moka a bohwa a go fapanafapana ke mohlala wo mobotse wa ka fao seswantšho sa boyo se kago šomišwa gabotse.
