Help
boyo — Sesotho sa Leboa
Lefelo moo batho (baeti) ba yago gona go yo dula nako ye kopana bjalo ka letšatši goba beke goba tše pedi ba etile, goba go ba gona thonamenteng ya dipapadi goba komferense, go amogela kalafo goba go dira mošomo goba go ithuta. Mafelo a a itšego lefaseng ke a mabotse kudu go, le go tuma ka baeti ba nakwana, gomme a ka bonwa bjalo ka mafelo a boeti a bohlokwa kudu. Mehlala ya mafelo a bjalo a akaretša Cape Town le Lešoka la Bosetšhaba la Diphoofolo; mawatle a Hawaii le Rio de Janeiro (kudukudu ka sehla sa khanibale ya Rio ya ngwaga ka ngwaga!); Disneyland le Las Vegas kua USA; Lewatle la Bundi kua Australia; mawatle a Bali le Phuket; Lešoka la Bosetšhaba la Yosemite kua USA; Serengeti kua Tanzania; Okavango Delta kua Botswana; London le Paris le meago ya yona ya histori; legae la Elvis Presley “Graceland” kua Memphis, Tennessee (kua USA); Lefelo la Bohwa la Lefase la Motheo wa Tlhabollo kua Gauteng; ga ešita Antaktika morago e bile boyo bja go tuma kudu bja baeti ba go huma. Baeti ba sedumedi ba etela mafelo a makgethwa a a itšego, bjalo ka Mecca le Jerusalem le Vatican kua Rome, gomme mafelo a a balwa bjalo ka mayo a nako ye kopana. Eupša go na le mohuta wo mongwe wa boyo, e lego moo bafaladi ba yago go humana mošomo (bona “bafaladi”). Batho ba ba tšea dinako tše telele mafelong a ba humanago mošomo gona. Mohlala wa se ke bafaladi ba bantši – bobedi ba semolao le bao e sego ba semolao – go tšwa dinageng tše ntši tša leboa la Afrika bjalo ka Malawi, Zimbabwe le DRC bao ba kgahlwago ke Diprofense tša Gauteng le Limpopo gohwetša mošomo le go iphediša. (Bona “kgahlego”).
