Help
thempleite ya go ithekga — Sesotho sa Leboa
Kgopolo ya kakaretšo ya gore batho ba ba kgathago tema go ekonomi setšhabeng ba swanetše go hlokomela bao ba sa kgathego tema ekonoming. Batšofadi le bana setšhabeng ba ka se šome go tšweletša dijo goba go hwetša tšhelete, gomme ba ithekgile go bana ba bona goba batswadi ba bona goba batho ba bangwe gore ba iphediše. Go a amogelega gore batho ba ba nago le mengwaga ye 15 le 65 ba bopa karolo ya sehlopha se se kgathago tema setšhabeng seo se kgathago tema tšweletšong ya ekonomi. Bao ba nago le mengwaga ya ka tlase ga 15 le bao ba nago le ya go feta 65 gantši e ba karolo ya batho bao ba sa kgathego tema ekonoming. Tekanyo ya go ithekga e ya akanyetšwa go hlaloša palo ya batho bao ba ithekgilego go batho ba bangwe le ba bangwe ba 100 bao ba kgathago tema ekonoming. Ka teori, tekanyo ya tlase ya go ithekga e a nyakega ka ge e hlaloša gore karolo ye kgolo ya setšhaba e kgatha tema ekonoming. Tekanyo ya godimo ga e nyakege go ya ka ekonomi, ka ge e hlaloša gore sehlopha se se nnyane sa batho ba go šoma se swanetše go hlokomela sehlopha se segolo sa batho ba ba sa šomego. Ditekanyetšo tša go ithekga tša bahumi, tša dinaga tše di hlabologilego di tlase kudu go e na le tša dinaga tša go diila tše di sa hlabologago. Dinageng tše di hlabologilego, ditekanyetšo tša go ithekga ka tlwaelo di a fapanafapana go tloga go 50% go ya go 70%, eupša dinageng tše di hlabologago gantši di feta 100%, di laetša gore go na le batho ba bantši ba ba ithegilego ka ba bangwe go feta batšweletši setšhabeng. Tekanyetšo ya go ithekga e na le bofokodi bjo bohlokwa bjo tee ka gore e šomiša mengwaga bjalo ka selo sa go fetoga se le noši go laetša dihlopha tša tšweletšo le tše e sego tša tšweletšo tša setšhaba. Ga e ele hloko batho ba ba kago šoma, eupša ba sa hwetše mošomo (ke go re, ba go se šome). Kgolo ya kakaretšo ya go ithekga e ka se – gape ga e ya – ithekga fela go tekanyetšo ya go ithekga go ka hlaloša boemo bja tšweletšo le go ithekga ka nageng goba seleteng.
