Help
datha ya setšhaba — Sesotho sa Leboa
Dipalopalo tše di hlalošago dipharologantšho tša setšhaba. Dipalopalo tša go fapanafapana di ka šomišwa go morero wo, e lego dinomoro tše di feletšego, dinomoro tša magareng, diphesente, dikhwathaele, diphesenthaele, bjalobjalo. Mehlala ya dipalopalo tše ke: palomoka ya batho ba ba dulago nageng, seleteng, toropong goba torotswaneng; phesente ya basadi setšhabang; mengwaga ya magareng ya banna setšhabeng; phesente ya bana ba ka tlase ga mengwaga ye 15 sehlopheng se se itšego sa batho (setšhaba); palo ya mahu a masea, le ye mengwe e mentši. Dinomoro tše di hlagiša tshedimošo ye bohlokwa ka setšhaba seo se itšego. Borathutafase ba šomiša dithekniki tša ponagalo tša go fapanafapana go hlaloša dipalo tša ditšhaba, mohlala dikerafo tša methalopapetla, dipiramiti tša setšhaba, ditšhate tša phae, le mebepe ya khoroplete. (Bona “mmepe wa khoroplete” le “mmepe wa thematiki”.)
