Help
diCIT, dinaga tše di hlabologago — Sesotho sa Leboa
Dinaga tše di sa hlabologago tše di lego tshepetšong ya go hlabologa. Ke fela tlhopo ya ekonomi. Ka 1977, Pank ya Lefase e tlhopile dinaga tše 133 mo go magoro a mane go ya ka letseno la ngwaga ka ngwaga la motho yo mongwe le yo mongwe: diekonomi tša letseno la tlase, diekonomi tša letseno la magareng, le diekonomi tša letseno la godimo. Dinaga magorong a mararo a mathomo a tlhopo ye di tšewa bjalo ka dinaga tše di hlabologago, ke gore, dinaga tše di lego tseleng ya tšona ya go ba diekonomi tša letseno la godimo. Kgopolo ye bohlokwa ya ekonomi ya tlhopo ye ke gore diekonomi ka moka di tla gola gomme letseno la motho yo mongwe le yo mongwe la dinaga ka moka le tla oketšega (bona “dinaga tše di hlabologago”). Teori ya ekonomi ga senke ya amogelwa lefase ka bophara gomme go tloga ka 1977 e ile ya kgonthišišwa go ba ye e fošagetšego bjale ka ge diekonomi tše dingwe di theogetše boemong bja tlase. Mathata a ekonomi a boditšhabatšhaba a 2008 a bontšhitše gore le ge ešita diekonomi tša diekonomi tša letseno la godimo (dinaga tše di hlabologilego kudu) ka dinako tše dingwe di ka theogela boemong bja tlase. Tlhopo ya 1977 ya Panka ya Lefase ke ya kgale kudu go ka šomišwa ka 2013, le ga e šita leina “dinaga tše di hlabologago” ga le sa šomišwa. Lehono re ka tšea dinaga tša BRICS (bona “kgolo ya ekonomi”) bjalo ka “dinaga tše di hlabologago” ka gobane diekonomi tša tšona di a gola mola tše dingwe tša dinaga tša tlhago tša letseno la godimo di itemogela kgolo ya ekonomi ye e sa kgahlišego. Tše dingwe tša diekonomi tša letseno la tlase tša tlhopo ya 1977, di ile tša dila gomme di tladitšwe ke dinaga tše mmalwa tša letseno la tlase le la magareng (bona “tlhabollo”, “dinaga tše di hlabologago”, “tlhabollo ya ekonomi” le “kgolo ya ekonomi”).
