Help
go matlafatšana — Sesotho sa Leboa
Katlego le go tuma ga sehlongwa goba lefelo la boeti (resote) goba selo sa tlhago (bjalo ka lebenkele, khasino goba lewatle) se tliša tlhabollo ya dipelaelo tše dingwe tša ekonomi tikologong ya sona, gomme kgoketšo ya sona ya pele goba “makala” a sona ga a fokotše tumo ya makala a mangwe, eupša e ya a matlafatša. Ka tsela ye, se ke mohlala wa katlego e tšweletša katlego. Go thutafase ya boiphedišo, se ke selo se bohlokwa kudu. Mmolo wa mabenkele ke mohlala wo o fapanang. Lebenkele la molokoloko le tee la go tsebalega le ba le lengwe la mabenkele a magolo mmolong wa mabenkele, gomme sehlopha se sengwe sa mabenkele a mangwe, emporia, dipothiki, mabenkele a go etelwa, mabenke a go aba ditirelo tša go ikgetha, dipanka, bjalobjalo, di renta sekgoba mmolong, ka go tseba gore lebenkele le legolo le tla goketša palo ye ntši ya batho bao ba ka feleletšago e le dikhastamo tša mabenkele ka moka a mangwe. Sa go swana tlwaa se direga intastering ya boeti. Kgoketšo ye e atlegilego ya boeti e tliša tlhabollo ya mafelo a mangwe a boeti tikologong gomme kgoketšo ya pele goba mafelo a mangwe ga a fapane le katlego ya a mangwe, eupša a e oketša (matlafatša). Gantši ga gona kgoketšo ye kgolo ya “karata ya matengwa” tikologong, eupša katlego ya lona e ba monyetla go mafelo a mangwe a boeti gore a hlabologe tikologong ya lona. Ge mafelo a mantši a thoma palo ya baeti ya mafelo ka moka – go akaretšwa lela la kgoketšo la karata ya matengwa la pele – e ya oketšago. Lefelo la lefase la bohwa la Cradle of Humankind ke mohlala wo mmotse. Tumo le go tsebagala ka kakaretšo ga mephoma ya Sterkfontein le pontšho ya Mrs Ples ya kgobokanyo ya marapo a kgale a batho ba ba nago le kgahlego ya akheolotši le paleontolotši. Eupša go na le mephoma ye mengwe ye bohlokwa le mafelo a paleontolotši tikologong ya kgauswi gomme tikologo ka moka ye e ka bago sekwere sa dikilometara e ile ya tšewa bjalo ka tikologo ye bohlokwa kudu go fiwa maemo a lefase a lefelo la bohwa. E se kgale dikgoketši tše dingwe tša boeti di ilwe tša ba gona tikologong, e lego Musiamo wa tlhagelelo wa Maropeng, Resefe ya Diphoofolo ya Savannah, Resefe ya Tšhireletšo ya Ditau le Ditshukudu, Kromdraai Goldmine wa kgale, Resefe ya Diphoofolo ya Motheo, Motse wa Setšo, ditsela tša go namela dithaba, mafelo a go robala, dispa, mafelo a nageng, mebaraka ya bokgabo le bobetli, le ditlhabollo tše di loketšego baeti mephomeng ye mengwe ye bohlokwa, e lego Zwartkrans le Kromdraai, le mafelo a mangwe a mantši. Mafelo a ka moka a holega ka go ba kgauswi le dikgoketšo tša boeti, gomme ka moka ga tšona di na le seabe go dipalo tše kgolo tša baeti tšeo di goketšwago go mafelo a a bohwa a lefase. Cradle of Humankind le emela lefelo la bohwa la lefase le le atlegileg ka dikgetho tše ntši tša ditlhabollo tša mafelo a go matlafatša.
