Help
klimate — Sesotho sa Leboa
Boemo bja magareng bja lefaufau – gomme boemo bja boso (bona “boemo bja boso”) – lefelong le le rilego nakong ye telele, ke gore mengwaga ye e ka bago ye 20, eupša ge go kgonega mengwaga ye 35. Ka go gatiša boemo bja boso lefelong letšatši ka letšatši mengwaga ye e ka bago ye 20 goba go feta, dikhutsofatšo mabapi le boemo bja boso di ka dirwa gomme re ka akanyetša mohuta wa boemo bja boso wo maatla lefelong le le rilego nakong ye nngwe le ye nngwe ye e rilego ya ngwaga. Boemo bja boso bjo bo khutsofaditšwego bja lefelo, bo bitšwa klimate ya lefelo gomme go tšwa go mabaka a a gatišitšwego mengwaga ye mentši, re ka kgona go hlaloša klimate ye maatla lefelong leo. Klimate ya lefelo e laolwa ke boemo bja lona bja mogaranafase, bophagamo bja lona, lefelo la lona ge go bapetšwa le lewatle, le maemo a mangwe a mantši a felo fao. Lefelo lefe goba lefe le ka itemogela dikarogo tša nakwana go tšwa go klimate ye e lebeletšwego (“ya go tlwaelega”). Dihla tša komelelo, le ga e šita dinako tša komelelo tše e ka bago ngwaga goba go feta di ka direga lefelong moo klimate ya “go tlwaelega”, ye maatla ya lefelo e thapilego ngwaga ka moka. Mafelo a go tonya a ka itemogela maemo a borutho ao a sa tlwaelegago, mafelo a komelelo a ka itemogela dihla tša go thapa tše di sa tlwaelegago, bjalobjalo, eupša lefelo le lengwe le lengwe Lefaseng le na le klimate ye e “tlwaelegilego” goba “ya ka mehla” yeo e lego khutsofatšo ya tlhalošo ya se maemo a boso a bilego sona mengwaga ye mentši ya go feta. Le ge go le bjalo, diklimate di ka fetoga ka lebaka la mabaka a tlhago, eupša diphetogo tšeo di direga dinakong tše ditelele bjalo ka mengwaga ye makgolo goba diketekete (bona “phetogo ya klimate” le “diphetogophetogo tša klimate”).
