Help
mebepe ya khoroplete — Sesotho sa Leboa
Mebepe ya tematiki moo kabo ya sekgoba ya dilo tše di fetogago di emelwago ka palo ka mokgwa wa mebala goba ka dišeite mellwaneng ya diyuniti tša thutafase tšeo e lego diyuniti tša kgonthe tša taolo bjalo ka dipolasa, dilete, disabapo, dinaga le ga e šita dikontinente (bona “mmape wa tematiki”, “mmepe wa kadestrale” le “mmepe wa thopokadestrale”). Tlhalošo (goba khiya) ye e laetšago seo mmala wo mongwe le wo mongwe o se emelago e bohlokwa go ka bala mmepe. Dimepe tša khoroplete ke tše dingwe tša mehuta ye e šomišwago gantši go Thutafase, eupša di na le mafokodi a tšona ao borathutafase ba swanetšego go a ela hloko nako le nako. Bofokodi bjo bogolo goba tekanyetšo ke gore khutsofatšo ya sekgoba sa ka gare (mokgwa wa khutsofatšo ya sekgoba) ka gare ga diyuniti tša taolo e ya šomišwa (bona “go tsenya sekgoba”, “go tsenya selo” le “go akanyetša boleng bja selo”) yeo e ka go hlagiša seswantšho sa sekgoba se se fošagetšego. Kgatišo ya National Geographic Magazine yeo e lego kgatišo ye e balwago kudu ke batho ba e sego borathutafase le babadi ba ba se nago tsebo ya thutafase, gantši e šomiša mebepe ya khoroplete. Babadi ba ba se nago tsebo ga ba kgone go sekaseka khutsofatšo ye dimepe tše di nago le yona gomme ga ba thabele mehola le mathata a tšhomišo ya mebepe ye. Ka mahlatse, Mokgatlo wa Bosetšhaba wa Thutafase e na le botumo bjo bo botse ka tša mahlale gape e hlomphega ka tša thutafase gomme e ka se gatiše mmepe wo o kago hlagiša tshedimošo ye e fošagetšego goba ye e lahletšago.
