Help
go tšhanela — Sesotho sa Leboa
Meetse a a elago ntle ga go tšhanelwa metheogeng ya bokagodimo bja Lefase le go kopana lefelong la tlase a dira moedi wa noka. Meetse a pula ao a sa nwelelego mobung le go fihlelela llaga ya ka tlase (matlapa a ka fase ga mobu) a elela motheogeng bjalo ka meetse a moela ao a sa tšhanelwago bokagodimong, goba moela wa motheoga (goba moela nageng). Moela wa bokagodimo o rwala dikarolwana tša mobu wa godimo le matlapana ao a thubilwego. Kua fase ga motheoga moela ka moka le morwalo wa wona wa mobu le dikarolwana tša go thubega di a kopana gomme ya ba moedi wo o tšhanetšwego wo o nago le materiale ka moka wo o tlišitšwego ke moela wa motheoga. Bolumo le maatla a tšhušumetšo a moedi gape le diteng di ba etšente ye maatla ya kgogolego ya mobu (bona “kgogolego ya mobu”) le go betla tšhanele moo a kago ela ka tšhitišo ye nnyane. Moela wa tšhanele o dira kgogolego ya mobu ka mokgwa wa ditshepedišo tša go fapanafapana bjalo ka kgohlano, ka khemikhale, ka phokotšego le ka go tološa (bona “go thubjwa ga maswika”) gomme go tšea mengwaga ye diketekete goba dimilione go hlola tšhanele ya kgonthe ya noka. Hle ela hloko gore moela wo o tšhanediwego ke sebopego sa moela wa naga goba moela wa bokagodimo, ka gobane meetse a elela bokagodimong, le ge e le gore a sepela tšhaneleng ye e itšego (bona “molapo wa go sepetša meetse”).
