Help
Dikgokaganyo tša Descartes — Sesotho sa Leboa
Boleng bja ntlha aseng ya –x le boleng bja yona aseng ya –y tša kerafo ya go tlwaelega di bitšwa dikgokaganyo tša Descartes tša ntlha yeo. Sehlopha sa diase sa Descartes se šomišwa go dipalo le mohlomongwe go mahlale a mangwe ka moka. Le ge go le bjalo ga, e direga fela go boemo bja papetla (phaphathi), eupša e se bokagodimong bja Lefase bjo e sego bja phaphathi, eupša bja kgokolo. Borathutafase ba šomiša dikriti tša Descartes ka dinako tšohle, eupša e se go hlaloša boemo bjo bo feletšego bja lefelo goba lefelwana bokagodimong bja lefase. Go ka kgona go hlaloša lefelo le le feletšego, borathutafase ba ile ba swanela ke go loga maano a mokgwa wo o fapanego ka mo go feletšego. Mokgwa wa thutafase wa go hlaloša lefelo le le feletšego wa lefelwana bokagodimong bja Lefase ke kriti ye e bopšago ke methaladi ya mogaranafase le methaladi ya lesetafase. Lefelo le le feletšego la thutafase le hlalošwa ke dikgokaganyo tša lona tša mogarafase le lesetafase (bona “lefelo le le feletšego” ka tlase ga “lefelo” le “mokgwa wa dikgokaganyo wa thutafase”).
