Help
payotheknolotši — Sesotho sa Leboa
Thekniki ya go diriša diphedi, goba ditho (bjalo ka diensaeme) tše di tšwago go diphedi, go tšweletša materiale wo moswa goba go fokotša (go fediša) dilo tša okaniki tše di sa nyakegego tše di lego gona. Taolo ya payolotši ya diphedi tše nnyane goba dikhunkhwane go fediša dibjalo le dipuno ke lekala le bohlokwa la mahlale matšitšing a selehono. Gantši ga go senye tikologo gape go bitša tšhelete ye nnyane go diriša diphedi tša tlhago goba dilo tša okaniki go laola le go bolaya dikhunkhwane le diji (disenyi) tšeo di jago dibjalo. Tirišo ya dipolayakhunkhwane tša maitirelo le dibolaya-dijadimela e bitša tšhelete ye ntši le go se nepagale go tikologo bjalo ka ge diphedi tše ntši tše di sa senyego dibjalo di ka senya dibjalo le tšona – ka go lebanya goba ka go se lebanye – tša fedišwa. Go feta fao, diphedi di kgona go itšhireletša go dipolayakhunkhwane, gomme di re tlogela re sa kgone go itšhereletša kgahlanong le tšona. Le ge go le bjalo, payotheknolotši ka moka ga e na maikemišetšo a go fediša diphedi; e dirišwa kudu gape tlhabollong ya mehuta ya dibjalo tše mpsha, tša go kgona go lwantšha, tša tšweletšo ya godimo le tlhabollong ya ditlhakantšhetšo le ditokišetšo tše diswa tše di holago tša kalafo.
