Help
boikarabelo — Sesotho sa Leboa
Go ba le boiphetolelo go mokgatlo wa bolaodi goba motho mabapi le ditiro goba diphetho tša motho. Nageng ya tokologo bakgethi ba kgetha mokgatlo wa dipolitiki goba motho go buša naga. Moetapele goba baetapele ba ba kgethilwego ba tshepiwa ka boikarabelo bja go buša naga gomme ba na le boikarabelo go bakgethi (bakgethi). Ge naga e ka se bušwe gabotse moetapele goba baetapele ba swanetše go iphetolela go bakgethi. Ge bakgethi ba sa kgotsofatše ke mošomo wa moetapele goba baetapele, ba ka boutela mokgatlo wo mongwe goba motho dikgethong tše di latelago. Boemong bja tikologo, motho yo mongwe le yo mongwe yo a phelago o na le boikarabelo bja go hlokomela tikologo ya tlhago goba ye e dirilwego ke motho le go se e šomiše go ikhola ka yona. Re na le boikarabelo go meloko ya rena ye e tlang ka ditiro tša rena le ka tsela ye re dirišago boikarabelo bja rena bja tikologo. Kgahlego ya tikologo ya meloko ya ka moso e šireleditšwe ke melao le ditshepedišo tše di dirišwago ke mmušo. Tabakgolo ke thato le bokgoni bja mmušo go ka fetiša melao. Ka Afrika Borwa, tšhireletšo ya tikologo e ka gare ga Molaotheo wa Repabliki ya Afrika Borwa, Molao wa 108 wa 1996, Molao wa Pabalelo ya Tikologo wa 73 wa 1989, Molao wa Bosetšhaba wa Taolo ya Tikologo wa 107 wa 1998 (wo o tsebegago kudu ka NEMA), Molao wa Bosetšhaba wo o Fetotšwego wa Taolo ya Tikologo wa 8 wa 2004, le Melao ye mengwe ye mentši ye e šoganago le dikarolo tša go fapanafapana tša tikologo.
