Help
phatolameetse — Sesotho sa Leboa
Mollwane magareng ga melapo ye mebedi ya kgauswi ya kelelatšhila (bona “molapo wa kelelatšhila”). Ke mothalo wa boikgopolelo ponagalong ya naga wo o kgokagantšhago mafelo a godimo magareng ga melapo ya kelelatšhila ye mebedi. Pula ye e nago ka lehlakoreng le tee la mothalo wa boikgopolelo e elela thokong ye tee, mola ye e nago ka lehlakoreng le lengwe la mothaladi e elela thokong ye nngwe. Gantši go boima kudu go ka bona phatolameetse go ponagalo ya naga ya nnete, eupša maatlakgogedi a netefatša gore lerothi le lengwe le le lengwe la pula leo e bago moela (go elela) le “tseba” gabotse moo le swanetšego go elela gona. Mmepeng wa methaladi phatolameetse e ka laetšwa gabonolo ka go kgokagantšha mafelo a godimo go ka bopa mothaladi. Inthapolešene e ya šomišwa go ka hloma mafelo a godimo magareng ga mafelo a mabedi goba methaladi ya kgokaganyo (bona “inthapolešene”).
