Help
go hlaselega gabonolo — Sesotho sa Leboa
Selo se se kgomegago goba sa go se kgomege seo se robegago gomme se ka senywa gabonolo. Go thutafase lereo le le šomišwa maemong a mantši a go fapanafapana. Sehlopha sa politiki goba tumelelano se ka hlaselega gabonolo (mohl. Palestine le EU); mothaladi wa kabo ya dijo tša tšhoganetšo o ka hlaselega gabonolo (mohl. Borwa bja Sudan le Somalia); setšhaba se se bolawago ke tlala se ka hlaselega gabonolo (mohl. Darfur le Somalia); disetalakethaetse ka gare ga mphoma ofe goba ofe wa kalaka di ka hlaselega gabonolo kudu ka lebaka la ntšhetšo ntle ya oksitšene le phišo ya mahlasedi; ekosestemo ka moka e ka hlaselega gabonolo (mohl. Niger Delta ka moka yeo e tšhošetšwago ke go nyakwa ga oli); toropo goba naga ye e lego molaleng wa noka ye kgolo e ka hlaselega gabonolo (mohl. New Orleans le mo e ka bago Bangladesh ka moka); toropo ka moka ye e agilwego go putla mothaladi wo o bakago tšhišinyego ya lefase e ka hlaselega gabonolo (mohl. San Francisco le Los Angeles); gape le metara wo mongwe le wo mongwe wa naga kontinenteng ya Afrika o ka hlaselega gabonolo ke kgogolego le tshenyo ye e ka se bušetšwego morago. Gabotsebotse, Lefase ka moka le dilo ka moka go lona di ka hlaselega gabonolo. Re na le go nagana gore ditikologo tša tlhago gape le tša go dirwa ka batho ke tše maatla gape di a kgotlelela, eupša ge re lemoga gore di ka hlaselega gabonolo, re ka di bona le go di swara ka tlhompho ye kgolo le tlhokomelo.
