Help
thopolotši — Sesotho sa Leboa
Go hlaloša lefelo la lefelo goba ponagalo ntle le go šetša bokgole, ponagalo le go ba thwii ga lona. Ke thekniki ye kaone ya kgale bjalo ka ge batho ka dinako ka moka ba be ba thala mebepe ya thopolotši go ka hlaloša moo dipolase, meago, dinoka goba mafelo a makgethwa a lego gona goba ešita le moo lehumo le bohlokwa le bolokilwego gona! Molaodi yo a eteletšego pele madira ntweng, gantši o thala mmepe wa sethalwa ka kgati mohlabeng go hlalošetša banna ba gagwe maano a go hlasela, gomme ge ka pela o be o thadile mmepe wa sethalwa go hlahla mogwera wa gago go tla ntlong ya gago, molaodi le wena bobedi bja lena le thadile mebepe ya thopolotši. Thopolotši e be e bonwa bjalo ka thekniki ya semolao ya thutamahlale ka bo-1700 gomme go na le melawana ye e itšego, ditswaki tša motheo, melawana ya phetogo gomme ešita le dikamano tša dipalo di a akaretšwa go mokgwa wa thopolotši. Mmepe wa thopolotši ga o thalwe go sekala gomme dibopego goba ditaetšo ga di a nepagala, eupša motho a ka kgona go hwetša lefelo le a le nyakago. Mellwane ye e bonalago gabonolo goba ya go tsebalega e bonagala gabotse mmepeng wa thopolotši, le ge e ka se laetšwe mafelong a yona a maleba, gomme ditaetšo magareng ga tšona di ka se laetšwe ka go nepagala. Diintasteri tša sešole le boeti di šomiša mebepe ya thopolotši ka dinako ka moka. Go tšwa go mokutwana wa tshedimošo wa moeti motho a ka ikhweletša letlakalanapapatšo goba poroutšha gabonolo mabapi le lefelo la bohwa la lefase la Motheo wa Tlhabologo, gomme gantši e tla ba le mmepe wa thopolotši woo o tlago go iša go lefelo le go mafelo a go fapanafapana a kgahlego ka gare ga lefelo. Ka GIS, thopolotši ke kamano ya sekgoba gare ga dibopopego tše di bapetšego, tše thekgwago goba tše kopantšwego. Dikamano gare ga dibopego di rekotwa ka sehlopha sa mananeo a go amana. Thopolotši e kgonthiša gore mafelo a go amana a dibopego a dula a swana ge dillaga tša datha di senyegile, mohlala ka tiragatšo ya mohuta wa tlhagišo.
