Help
mmepe wa lefelo — Sesotho sa Leboa
Mmepe wo o hlalošago karolo ye e itšego ya lefelo ka kakaretšo gape le ka go nepagala. O ka bitšwa mmepe wa tlhalošokakaretšo bjalo ka ge o emela lefelo la dibopego tše ntši tša go fapanafapana tša go dirwa bobedi ke tlhago le batho. Mebepe ya lefelo e laetša dithaba, mabopo, mawatle, dinoka, meboto ya mohlaba, dimela, mehlaka, dintotoma tša maswika, meboto, melala, meedi ya dinoka, di-aerodrome, maemafofane, disetiši tša maphodisa, dihotele, dipetlele, dikolo, mafelo a dipapadi, metse, ditoropo, dikereke, ditsejana tša maoto, dimonyumente, le dibopego dife goba dife tše dingwe tše di kago tsenywa mmepeng ntle le go lekanyetša tirišo ya wona ka dintlha tše ntši. Lebaka la gore mebepe ye e bontšha bogodimo ka mokgwa wa methaladi ya go rapama gomme mabogodimo a oketša boleng bja yona kudu. Ge re nyaka go tseba se se diregago lefelong moo dilo tše di lego ntshe, re hloka mmepe wa lefelo wo mokaone. Mebepe ya lefelo e ka thalwa go sekala sefe goba sefe, eupša ge sekala e le se segolo, go ba le dintlha tše ntši tša tshedimošo tše di kago laetšwa mmepeng. Dinaga tše ntši lefaseng di gatiša melokoloko ya mebepe ya semmušo ya topokadastrale go dikala tše di šomišwago ka kakaretšo bjalo ka 1: 50 000 le 1: 125 000 gomme mebepe ye ka moka e bohlokwa, le ge e le gore melokoloko ya mebepe ya topokadestrale e a šomišwa gantši (bona “mmepe wa topokadestrale”).
