Help
mmepe wa tematiki — Sesotho sa Leboa
Kemedi ya seswantšho ye e hlalošago phethene ya kabo ya sebaka (bona “kabo ya sebaka” le “phethene ya sebaka”) ya selo se se itšego, boemo, tiragalo, bothata goba tiragalo efe goba efe ye nngwe. Morero wo mogolo wa mmepe wa tematiki ke go hlaloša kabo ya selo se tee se se itšego se se fetogago; gomme, e na le tshedimošo ye nnyane mabapi le dilo tše di fetogago tše di amantšhwago. Tlhago ya phetogo ye e bopšago e laetša ge e ba dikhutlo, methaladi goba mebalana e tla šomišwa. Ge sehlogo seo se thalelwago mmepe e le kabo ya lefase ya dibolkano tše di lego gona, dikhutlo di tla šomišwa. Ge sehlogo e le kabo ya pula, methaladi ya kgokagano (kudukudu diisohete e lego methaladi ya go kgokaganya mafelo ao a amogelago kelo ya go swana ya pula) e tla šomišwa mmepeng. Mebalana le methaladi di tla šomišwa go mmepe wa tematiki wa mašoka a diphoofolo a bosetšhaba le mafelo a pabalelo ka Afrika Borwa, ka mebalana e emela mašoka a diphoofolo a bosetšhaba (ke go re, sehlogo sa mmepe) le methaladi e emela ditsela tše di yago mašokeng ao a diphoofolo le ditikologo (“mebalana”).
