Help
bophelo bjo bo swarelelago — Sesotho sa Leboa
Tsela ya go phela ye e fihlelelago ditlhoko tša motheo tša setšhaba sa bjale ka mokgwa wo o kwagalago ka ntle ga go kwantšha bokgoni bja meloko ya bokamoso go ka dira se se swanago. Selo se bohlokwa ke gore ditlhoko, e sego megabaru le bojato, di bohlokwa go tsela ye ya bophelo. Tsela ya bophelo ye e swarelelago e hloka phetogo ye e feletšego go pono ya bjale ya lefase ditšhabeng tše ntši Lefaseng. Ditšhaba tše dingwe tša go huma kudu di tla gomarela maphelelo moo ba ipshinago ka bophelo kudu ka go ja ganyane. Bophelo bjo bonolo ga bo re gore bophelo bjo bo sa kgotsofatšego. Ditšhaba tše di sa humago kudu di swanetše go thušwa go ipshina ka bophelo bjo bo kgotsofatšago gape bjo bonolo, ka ntle le go baka tshenyo go tikologo. Batho ga ba a swanela go ikhola le go senya tikologo go iphediša. Mo gongwe go bohlale go gopola molawana wa Mahatma Mohandas Gandhi wa go re go lekane: “Lefase le aba ka mo go lekanego go kgotsofatša tlhoko ya mang le mang, eupša e sego megabaru ya mang le mang. Ge re tšea go feta ka mo re hlokago, re a tšeelana, re adima go tšwa go bokamoso, goba go senya tikologo le diphedi tše dingwe”.
