Help
phapano ya sebaka — Sesotho sa Leboa
Tiraglo ya dilo e ya fapana go tlogo lefelong go ya go le lengwe bogodimong bja Lefase, gomme mafelo Lefaseng a a fapana. Ge e le gabotse: dilo tša go fapanafapana di direga mafelong a go fapanafapana, gomme dilo tše di itšego di direga mafelong a mangwe, eupša e sego ka go a mangwe. Borathutafase ba ithuta tiragalo ya dilo go hwetša diphethene go ya le ka mo di diregago ka gona. Go hwetša diphethene tša phapano ya sebaka, mebepe e ya thalwa gomme mafelo a sebaka a dilo tše go ithutwago ka tšona di a laetšwa mebepeng. Go dikemedi tše tša seswantšho, diphethene tša phapano ya sebaka di bonagala gabonolo. Go tšwa go diphethene tše bjalo tša phapano ya sebaka, borathutafase ba ka hwetša tshedimošo ya go fapanafapana, dikamano tša sebaki di ka hwetšwa gomme diphethene tša tsenelelano ya sebaka (bona “kabo ya sebaka” le “tsenelelano ya sebaka”) di ka hlalošwa. (Bona “tšeotaebesiti”, “pono ya sebaka nakong”, “datha ya sebaka” le “phethene ya sebaka”.)
