Help
dikala tša sebaka — Sesotho sa Leboa
Mekgwa le tekanyo moo lefelo le “fokotšegago” ka go lekana go ya go bogolo bjo bo kago laetšwa letlakaleng la lephephe goba skrining sa khomphuthara ka kelo ye nnyane ya phetošetšo goba tobo ya dintlha. Re ka se dire mmepe wa Lefase go sekala sa tee-go-tee (1:1) seo se tla hlaloša gore re hloka letlakala la lephephe le legolo go lekana le lefase ka bolona. Gomme re ile ra akanya ka thekniki ya sekala gore bokgole bjo bo kopana mmepeng wa rena bo emela bokgole bjo bo telele Lefaseng. Go mmepe wa sekala se se nnyane, senthimetara ye tee e ka emela bokgole bjo bo kopana bjalo ka kilometara. Sekala se kgethwa go ya le ka merero ya mmepe. Baentšenere gantši ba šomiša mebepe ya sekala se segolo, eupša mebepe ya lefase ka bophara ka dinako ka moka e swanetše go šomiša dikala tše nnyane. Dintlha tše nnyane di ka, ee, fiwa mmepeng wa sekala se se nnyane, eupša mebepe ya sekala se segolo e ka hlagiša tshedimošo ya sebaka ye ntši.
