Help
tšhupetšo ya sebaka — Sesotho sa Leboa
Tlhalošo ya lefelo ya lefelwana le lengwe le le lengwe Lefaseng. Go na le disestemo tše mmalwa tša go hlaloša lefelo, e lego lefelo le le feletšego goba lefelo le le sa felelago (bona “lefelo”). Ka dithekniki ka moka tše mpsha tša satelaete, dithekniki tša mmepe tša khumphuthara le disestemo tša boemo tša thutafase tše di tšwetšego pele tše di lego gona go rena, tšhupetšo ya sebaka e bile thutamahlale ye e nepagetšego. E šetše e tsene go lefapha la setšhaba ka sebopego sa disestemo tša boemo bja lefase (di-GPS) tše lehono di hwetšagalago mo e ka bago go koloi ye nngwe le ye nngwe tseleng. Go na le, le ge go le bjalo, sestemo ye tee ye e sa fetogego ya tšhupetšo, e lego kriti ya mogaranafase le lesetafase gomme e sa le tsela ye e amogelegilego le go nepagala kudu ya go hlaloša boemo bja lefelo lefe goba lefe goba selo goba motho Lefaseng. Theknolotši ye mpsha e re file ditsela tše mpsha (bjalo ka di-GPS ka gare ga dikoloi) ya go šomiša sestemo ye (bona “lefelo”).
