Help
inthapolešene ya sebaka — Sesotho sa Leboa
Kakaretšo ya datha ye e hwetšwago mafelwaneng (mafelong) a mmalwa ka gare ga tikologo bjalo ka ge nke ke ya tikologo ka moka. Ka mo go tlwaelegilego e ra gore re nagana gore se se hweditšwego mafelwaneng a mmalwa se ka hwetšwa mo gohle go tikologo ka moka. Ka gona maemo a a hweditšwego mafelwaneng a a ngwathilwego a mmalwa a tšewa go ba a tikologo ka moka. Go thutafase inthapolešene ya sebaka gantši e bohlokwa, eupša borathutafase ba a tseba gore maemo a go swana ga a be a lefelwana le lengwe le le lengwe tikologong ya maleba. Lefelwana le lengwe le le lengwe le, ee, le be le ka se ngwathwe goba go nyakišišwa, gomme borathutafase ba diriša mokgwa ka tumelo ya gore kakaretšo e na le dikotsi. Boramahlale ba bangwe bao ba sa tsebego kudu ka sebaka bjalo ka borathutafase, ba šomiša kakaretšo ntle le go dikadika ga nnyane. Bjalo ka thekniki ya dinyakišišo, kakaretšo e ka se solwe, eupša banyakišiši ba swanetše go lemoga gore ba dira dikakanyo. Banyakišiši ba šomiša inthapolešene ya sebaka ka dinako ka moka, eupša ba go tšwa thutong ya bona ba tseba molawana wa idiokrafi (bona “tšeotaebesiti”) gomme ba tseba ditlhalošo tša phapano ya sebaka sa tikologo ya ka gare, mola borathutamahlale ba bangwe ba sa tsebe gape gantši ba sa lemoge se.
