Help
tsenelelano ya sebaka — Sesotho sa Leboa
Tshepelo ya go ya go ile goba ya lebakanyana ya batho le/goba dithoto le/goba tshedimošo go tšwa lefelong le tee (lefelwana) bogodimong bja Lefase go ya go le lengwe. Bjalo ka ge tiragalo ya batho, maemo le ditiragalo di fapana bogodimong bja Lefase (bona “kabo ya sebaka”, “phapano ya sebaka” le “ekonomi ya sebaka”), batho ka dinako ka moka be ba dirišana le batho ba ba kgaogantšwego le bona ka sebaka. Bolumu ya tsenelelano go sebaka e oketšegile bjale ka ge theknolotši e hlabologile. Mengwaga ye lekgolo ya go feta, go be go tšea dibekebeke go tloga London go ya Cape Town ka sekepe, lehono go tšea diiri tše mmalwa ka sefofane. Mmogo le batho, dilo le tšona di be di sepetšwa. Dithoto di sepetšwa mo gohle ka mokgwa wa dineteweke tša kgokagano bjalo ka ditsela, diporo, dikepe, ditirelo tša tshepedišo, difofane le tše dingwe. Tlhabollo ya inthanete ka mo go ka se elwego e okeditše tsenelelano ya sebaka Lefaseng. Dibolumu tše kgolo tša tshedimošo di sepetšwa sebakeng ka mokgwa wa inthanete. Ntle le theknolotši ya sebjalebjale, tsenelelano ya sebaka e sa ntše e thibela ke bokgole, gomme ge dilo di le kgole go ba le tsenelelano ye nnyane magareng ga tšona. Se se bitšwa phokotšego ya bokgole. Gomme mmotlolo wa maatlakgogedi – wo o theilwego go saense ya Newton ya gore selo se segolo se na le kgogedi ye maatla ya maatlakgogedi go selo se se nnyane – e sa le kudu karolo ya teori ya thutafase ka ge e sa le e le bjalo.
