Help
ponego ya sebaka nakong — Sesotho sa Leboa
Tsela ye borathutafase ba hlalošago lefase le re phelago go lona. Dilo Lefaseng di a fapana go tšwa lefelong go ya go le lengwe (bona “kabo ya sebaka” le “phethene ya sebaka”) gape le go tšwa go nako go ya go ye nngwe lefelong le tee. Borathutafase ba ithuta diphethene tša sebaka tše di bopilwego ke go ba gona ga batho, diponagalo le ditshepetšo, eupša tše ka moka di fetoga le dinako. Gomme ge re di hlaloša, ke tlhalošo ya mo di diregago gona ka nako e e itšego. Ka tsela ye re hlalošitše phapano ya sebaka nakong ye e itšego (nakong ya 1). Le ge go le bjalo, borathutafase gape ba ithuta diphetogo tša tiragalo nakong. Ge re ka etela gape nyakišišo ye e itšego mengwaga ye mmalwa moragonyana, gape re ithuta diphethene tša sebaka, eupša bjale nakong ya 2. Ka nako ye nngwe re ka kgahlwa ke lebelo le diphethene tša sebaka di fetogago ka lona, gomme ra dira thuto ya lesetafase, yeo e rago gore re ithuta diphethene tša tiragalo ya sebaka ka go sa felego goba go tsena gare nako ye e rilego. Diphethene ka moka tša sebaka Lefaseng di fetoga nakong; ke seo borathutafase ba rutilwego go se sekaseka.
