Help
ditirelo — Sesotho sa Leboa
Dikgwebišano tše di holago magareng ga bakgathatema ba ba ithaopago mola go se na dithoto tše di swaregago tše go swanetšego go neelana ka tšona. Motho yo mongwe a ka ba le tsebo ya go ikgetha yeo motho yo mongwe a kago e hloka. Gantši, selo se le noši se go neelanwago ka sona ke tšhelete ye moamogedi a e lefelago tsebo ya go ikgetha goba tirelo ya moabatirelo. Lefapha la tirelo la ekonomi le akaretša ditirelo tše ntši tša go fapanafapana. Ditirelo tša thuto, tša kalafo, tša molao, tša setšo, tša bokgabo, tša saekholotši, tša tsošološo, tša kamogelabaeng, tša dinamelwa, tša tšhireletšo, le ditirelo tše dingwe tše ntši tše di hlokwago ke motho mang le mang setšhabeng sa sebjalebjale. Baabatirelo gantši ke ditsebi tše di ingwadišitšego tša dithuto tše di itšego. Ditirelo tša go se be molaong ga di akaretšwe, eupša dinageng tše dingwe ditirelo tša thobalano di bopa karolo ya ditirelo tša go fapanafapana tše di lego molaong. Ditirelo di bopa karolo ye kgolo ya ekonomi dinageng tše di hlabologilego (bona “tlhabollo” le “diekonomi tše pedi tša go fapana”). Dinageng tše di hlabologago, le dinageng tše di fetogago, ditirelo di bopa karolo ye nnyane ya ekonomi le tšweletšo, mola go tšweletša go sa feta lefapha la ditirelo ka bohlokwa. Ditirelo di bopa karolo ya lefapha la thešiare la ekonomi (bona “dinaga tše di fetogago”, “tlhabollo”, “diekonomi tše pedi tša go fapana” le “ditiro tša ekonomi tša khwatenari”).
