Help
pering — Sesotho sa Leboa
Taetšo ya lefelo, lefelo la tšhupetšo goba la selo bjalo ka ge le edilwe ka khamphase go tloga boemong bjo bobotse bja mohlokomedi. Pering e fapana le asimuthi ka gore pering e ka se tsoge e fetile 90° gomme e ka elwa go tšwa leboa goba borwa. Ge mohlokomedi a swanetše go lebelela thokong ya leboa go bona selo le go ela khutlo magareng ga selo le mothaladi wa leboa-borwa go ba 15° go ya bohlabela bja mothaladi wa leboa-borwa, pering ya yona (ke go re, taetšo ye motho a swanetšego go e latela go se hwetša) ke N 15° Leboa. Ge mohlokomedi a swanetše go lebelela thoko ya borwa go bona selo le go ela khutlo magareng ga mothaladi magareng ga gagwe le selo seo a se elago le mothaladi wa leboa-borwa go ba 35° go ya bodikela bja borwa, pering ya selo e hwetša go S 35° Bodikela. Go raraganya dilo, mohlokomedi o swanetše go ela hloko gore leboa la nnete (leboa la thutafase) le leboa la makenete ga di sepedišane. Pering e ka tšwewa go tšwa mothalading wa leboa-borwa wa makenete, goba mothalading wa thutafase (goba wa nnete) wa leboa-borwa. Ge taetšo ya selo e elwa ka khamphase, mothaladi wa mothaladi wa makenete wa leboa-borwa o wa šomišwa gomme tokišo e swanetše go dirwa go hwetša lefelo la nnete la selo se se hlokometšwego. Go ka kgona go dira se, motho o swanetše go tseba se mosekamo wa makenete e lego sona (bona “mosekamo wa makenete”). Mengwaga ye masomepedi ya go feta, motho o be a e ya sethokweng a swere khamphase gomme a swanetše go tseba bokgoni bja motheo bja go sesiša go hwetša thwii lefelo la moo a bego a le gona; lehono motho o tšea GPS gomme a itshepelela – go fihlela peteri ya GPS e fela!
