Help
resolušene — Sesotho sa Leboa
Bokgoni bja filimi le/goba lense bja go swara le go gatiša dintlha tša sebaka. Go ka kgona go lemoga dintlha tše di feletšego seswantšhong resolušene e swanetše e be godimo ka mo go kgonegago. Go tšwa go seswantšho sa makgwakgwa dintlha tše nnyane goba dintlha tše di sa felelago di ka lemogwa. Seswantšho se se bjalo se na le boleng bjo bonnyane. Bapetša seswantšho sa makgwakgwa (ke go re seswantšho sa go ba le marothonthwana tša go ba kgole le kgole), sa go se šetšwe gabotse sa monyadiwa wo mmotse go seswantšho se se botse, sa go šetšwa gabotse sa monyadiwa woo. Go seswantšho sa pele, motho ga a kgone go bona gabotse dintlha tše di lego rokong ya gagwe, le sefahlego sa gagwe se ka no se bonale gabotse. Eupša go seswantšho sa resolušene ya godimo motho a ka kgona go bona pheta ye nngwe le ye nngwe, frili, momeno le dintlha tša roko ya gagwe le sefahlego sa gagwe sa go thaba se se myemyelago seo se ka lemogwago gabotse. Resolušene ya seswantšho e fapane kudu go bogolo bja makgwakgwa; ke gore ge bogolo bja makgwakgwa a seswantšho e le bjo bonnyane, resolušene ya sona e ba ya godimo. Go merero ya sešole, diswantšho tša resolušene ya godimo di bohlokwa. Ga go na mohola go ka kgona go bona gore go a agwa nageng ya lenaba, eupša ge moago o tšewa seswantšho ka sedirišwa sa resolušene ya godimo gomme diswantšho di laetša gore go agwa lefelo moo dimisaele di tlago thuntšhwa gona gomme dinaga tša baagišane di tla ikarabela ka mo go fapanego! Intasteri ya lefase ya sešole ka dinako ka moka e phela e le karolo ya dithekniki tše di tšwelago pele tša go humana tshedimošo o le kgole (bona “go humana tshedimošo o le kgole”) go ka hwetša dintlha ka botlalo tša tshedimošo ya diswantšho tše di lego kgole. Borathutamahlale bao ba dirago dinyakišišo mo mafapheng a gantši ba šomela goba go thwalwa ka konteraka ya sešole. Mafelelong tše dingwe tša dithekniki tše di hlagišwa setšhabeng moo di kago šomišwa ke motho yo mongwe le yo mongwe.
