Help
PPP, go kgatha tema ga setšhaba le praebete — Sesotho sa Leboa
Morero wa tlhabollo ye nngwe le ye nngwe moo bobedi lefapha la bosetšhaba (goba mmušo) le lefapha la praebete (gantši le bitšwa lefapha la kgwebo) a kgathago tema le go neela ka ditšhelete gammogo le bokgoni goba sengwe le sengwe se se hlokegago. Lefapha la mmušo leo le kago akaretšwa e ka ba la bosetšhaba, la profense goba la selegae goba mafapha a ka bobedi. Mokgatlo o tee goba e mebedi ya praebete e ka emela lefapha la praebete protšekeng. Ka setlwaedi tumelelano ye bjalo ya kgwebo ya mohlakanelwa e dirwa ka boikemišetšo bjo tee bjo bo itšego, mohlala go aga khereše goba mafelo a dipapadi goba go rulaganya ditiragalo tša go tloša ditšhila lefelong, tsošološo ya mohlaka, go aba tlhokomelo go batho ba ba fokologago mmeleng, go thuša batho ba ba phelago ka bolwetši bja HIV le Aids, goba go hlabolla ditlabakelo le khwalithi tša thuto. Ga go na thibelo go sekala sa diprotšeke goba taelelo ya gore mmušo le lefapha la praebete di swanetše go neela ka go lekana (50/50). Gantši o tee wa mekgatlo ye e kgathago tema o neela ka ditšhelete gomme wo mongwe wa rulaganya bošomedi le ditiro. Go na le ditsela tše ntšintši tša go fapanafapana tšeo ka tšona merero ye bjalo ya go kgatha tema a ka thomago, go rulaganywa, go tšwetšwa pele gape le katlego ya yona e ka lekolwa. (Ela hloko: O se ke wa hlakahlakantšha khutsofatšo ye e boletšwego ya “PPP” le khutsofatšo ya “PPP” yeo e šomišwago go dithulaganyo tša taolo ya tikologo ya dipholisi, thulaganyo le diprotšeke.)
