Help
phiramiti ya setšhaba — Sesotho sa Leboa
Kemedi ya seswantšho ya sebopego sa setšhaba sa batho se se itšego. Ke diphapantšhi (dipharologantšho, dimelo) tše pedi fela tše di šomišwago go hlama (go thala) phiramiti ye bjalo ya setšhaba, e lego bong le mengwaga. Le ge phiramiti ya setšhaba e le seswantšho se bonolo, e na le tshedimošo ye ntši ye bohlokwa kudu (bona “kgolo ya setšhaba”). Gomme go tšwa go datha ya palo ya batho ya motheo ye e hwetšagalago gabonolo, tshedimošo ye bohlokwa kudu mabapi le setšhaba e ka fetišwa le go šišinywa. Mo gongwe go bohlokwa kudukudu gore diphiramiti tša setšhaba di abela borathutamahlale motheo wo bonolo wa ponagalo wa dipapišo magareng ga dipharologantšho tše bohlokwa tša go fapanafapana tša ditšhaba. Go tšwa go phiramiti ya setšhaba, motho a ka kgona go bala le semeetseng bobedi dipalo tše di feletšego gape le dinomoro tše di swanago le go hlakanya ditšhupane (diintekse). Dipalo tše di feletšego bjalo ka tša batho bao ba nago le mengwaga ya go fapana goba dihlopha tša bong tša setšhaba, le dipalo tša setšhaba se se ithekgilego ekonoming (bona “tlhabollo” le “dinaga tše di hlabologago”), kabo ya mengwaga ya setšhaba, peakanyo ya bong ya setšhaba, mahu a masea, nako ya go phela ya setšhaba, le diphapantšhi (dipharologantšho) tše dingwe tše mmalwa tša setšhaba se se itšego di ka šišinywa go tšwa go phiramiti ya setšhaba. Ke ye nngwe ya diswantšho tša thutafase tše di šomišwago gagolo, tše bohlokwa kudu moo go ka thewago dipapišo magareng ga ditšhaba tša go fapanafapana (bona “datha ya dipalo tša setšhaba”). Ga ešita le dikgatišo tše e sego tša ditsebi tša go tsebalega bjalo ka Time gantši e šomiša yona.
