Help
mmepe wa othofotho — Sesotho sa Leboa
Seswantšho sa moyeng sa go ema thwiii (bona “seswantšho sa moyeng”) sa karolo ya bogodimo bja karolo ya Lefase yeo e šetšego e hlabolotšwe go ba mohuta wo bohlokwa kudu wa mmepe wa naga. Ke mebepe ya seswantšho sa sekala se segolo (1:2 500, 1:5 000, 1:10 000 le 1:15 000) moo methaladi ya morumo, bogodimo bja lefelo le ditlhalošo di akareditšwego (bona “mebepe ye e laeditšwego ka methaladi”, “methaladi ya isometriki” le “inthapolešene”). Ka Afrika Borwa, kgatišo ya semmušo e mo sekaleng sa 1:10 000, eupša ke fela mafelo a go dula a bohlokwa a ditoropong ao a akareditšwego. Mebepe ya othofotho e na le tirišo ye bohlokwa go mebepe ya naga, e lego gore ke diswantšho tša nnete le tshedimošo ka moka ya gore karolo ya bogodimo e tšweleditšwe thwii mo motho a ka e bonago e le ka gona. Pharologantšho e tee ya mebepe ye ke gore – ka lebaka la sekala se segolo – e tla nyaka maphephe a 15 goba a 20 goba a mantši go akaretša lefelo la go dula la toropo bjalo ka Durban, mola tikologo ka moka e ka akaretšwa ke lephephe la mmepe wa 1:50 000 wa topokhadastrale. Ka tlase ga mabaka a a itšego, go bohlokwa kudu go ka šomiša mmepe wa topokhadastrale, eupša ka tlase ga mabaka a fapanego, mebepe ya othofotho e ka se phalwe ka lebaka la tshedimošo ye e e abago. Go ka bonagala bjalo ka semaka gore mebepe ya orthofoto ga e ture go e tšweletša go e na le mebepe ye e tlwaelegilego ya topokhadastrale gomme e bonolo go e hlabolla. (Bona “mmepe wa naga”, “mmepe wa khadastrale” le “mmepe wa topokhadastrale”.)
