Help
seabe sa koketšo — Sesotho sa Leboa
Lereo la kgwebo leo le hlalošago gore katlego e tswala katlego. Lebenkele le tee la go atlega tikologong le tla dira gore dikgwebo tše dingwe di hlongwe kgauswi tšeo di tlago goketša dikgwebo tše ntši, bjalobjalo. Molemi o tee o thoma go bjala kanola (oli ya kanola e tšwa go yona) go e na le korong yeo ka setlwaedi e bego e bjalwa seleteng. O hwetša theko ye botse ya kanola gomme išago balemi ba bangwe ba mmalwa ba tla thoma go bjala kanola gomme seabe sa koketšo se ba gona gomme go se go ye kae balemi ka moka ba bjala kanola (bjalo ka seleteng sa Overberg kua Afrika Borwa). Le ge go le bjalo, tšweletšo ya korong e tlase mo e lego gore korong e swanetše go tlišwa go tšwa dinageng tše dingwe. Ditaelopoeletšwa tša boikarabelo (bona “taolopoeletšwa ya boikarabelo”) sestemong ya kgwebo di tla netefatša gore kgolo e tšwela pele go gola ka lebelo le legolo kudu. Seo gantši se bego se bitšwa “mehlolo ye seswai ya lefase”, e lego go beeletša tswalo, se laetša seabe sa koketšo gabotse. Tšhelete ye e beeleditšwego e ya gola le go tswala tswalo gomme kelo ye kgolo ya tšhelete e gola ka lebelo kudu le go tswala tswalo ye ntši. Bjale mmeeletši o amogela tswalo go tswalo gomme tšhelete ya gagwe e dira tšhelete yeo e dirago tšhelete, gomme e gola e ya pele le pele. Radibilione a ka dira milione ye nngwe ya diranta gabonolo gomme ke ka lebaka leo ba go huma lefaseng ba tšwela pele go huma gabonolo mola bahloki ba tšwela pele go hloka. Se ke bokapitale bja klasiki, ka mo go feletšego sestemo ya mmaraka wo o se nago molao o wa šoma. Sestemong ye bjalo, kgolo ya kgwebo le intasteri e direga ka lebelo la godimo kudu, e se ya tšeometriki. Ka nnete, e ka se tšwele pele go ya go ile, eupša ga go na yo a tsebago gore sestemo e tla phuhlama neng. Tabeng ye, disestemo tša tlhago le tša go dira ke batho di itshwara ka go swana. Kgolo ya lebelo la godimo kudu sestemong ya tlhago le yona e phuhlamiša sestemo, eupša ga re kgone go ka akanya gore nako ya go phuhlama e tla ba neng.
