Help
tekanyo ya bolwetši — Sesotho sa Leboa
Boemo bja go se phele gabotse mmeleng goba bolwetši setšhabeng. Bjale ka ge dipalo tše di feletšego tša batho ba ba lwalago di sa thuše kudu le go se bope motheo wa papišo le ditikologo tše dingwe tša ditšhaba, tekanyo ya bolwetši gantši e a balelwa go hlaloša boemo bja go sephele gabotse mmeleng setšhabeng. Ditekanyo tša bolwetši tše ntši tša go fapana di ka balelwa, gomme balaodi ba tša maphelo ba swanetše go kgetha e tee yeo e loketšego morero wa bona. Ge batho ba 10 go ba 1 000 setšhabeng se se itšego ba lwala, gomme ba 25 go ba 1000 setšhabeng se sengwe ba lwala, re ka dira diphetho ka tshedimošo ye e lego gona ka boemo bja maphelo bja ditšhaba tše. Eupša go na le mabaka a mantši ao a rarago, mohlala ge e ba batho ka moka ba lwala ka go lekana, ge ba lwala ka dinako tše di swanago, ge e ba ditlhahlobo ka moka di tshephagala ka go lekana. Gomme, dipapišo di swanetše go dirwa ka kelotlhoko. Go thufase ya maphelo (goba thutofase ya kalafo), kgoboketšo ya datha e boima kudu, gomme borathutafase ba kalafo ba na le go bolela polelwana ye e tumilego ya metlae, e lego “Lebedišiša datha ya gago ka šedi”.
