Help
tikologo ya toropo — Sesotho sa Leboa
Tikologo ya toropo ye e lego ka tlase ga taolo ya bolaodi bja selegae bjoo bo ka bago bo boutetšwe ke batho bao ba dulago fao (bona “setšhaba sa lefelo”), goba go bewa ke bolaoldi bja godimo. Bolaodi bja selegae bo laola tikologo ka mokgwa wa melawana le melao yeo e amago tikologo ye e itšego, ye e laeditšwego (bona “go bea mollwane”), eupša ga e na bolaodi go feta mollwane wa tikologo yeo. Ge mollwane wa dinaga magaeng le dinaga ditoropong o hlalošitšwe le go hlakišwa, go molaleng moo taolo ya bolaodi bja selegae e thomago le go felela gona, eupša gantši ditikologo tša dinaga ditoropong le dinaga magaeng ga di a arogantšwa ka mo go hlakilego gomme di na le go kopana go mohuta wo o tswakilego wo mogolo woo seripa sa wona e lego sa dinaga magaeng le seripa sa dinaga ditoropong wa tšhomišo ya naga (bona “tšhomišo ya naga”) gomme mokgwa wa go dula ga o bonale gabotse. Mabakeng ka moka tikologo ya taolo ya bolaodi bja toropo e swanetše go hlalošwa gabotse goba go tla ba le dingangišano le ditšhitišo tše ntši. Ka Afrika Borwa moo bolaodi bja selegae e lego mekgatlo ye e kgethilwego, ditikologo tša go fapanafapana tša ditoropong di ile tša akaretšwa go ditikologo tše kgolo tša ditoropo morago ga phetogo ya mmušo ka 1994. Mathomong se se bakile go ba le kgonthišišo ye nnyane go bobedi badudi le balaodi, eupša bontši bja mathata ao a bego a le gona mathomong a phetogo ya mmušo a šetše a rarolotšwe.
