Help
monyetla wa go tsenelela — Sesotho sa Leboa
Go ba gona ga lefelo, selo goba boemo bjo bo huetšago tsenelelano ya sekgoba magareng ga mafelo a mabedi ao a lego kgole. Tsenelelano ka dinako ka moka e huetšwa ke bokgole magareng ga mafelo a mabedi gomme molao wa tirišo ke gore tsenelelano ya dilo tše pedi e ya oketšega le go fokotšega ka lebelo la go swana go bokgole magareng ga tšona. Ge tsenelelano e le ye telele magareng ga mafelo, phokotšego ya bokgole e ba godimo yeo e lekanetšago tsenelelano magareng ga wona, gomme go tla ba le tsenelelano ye nnyane. Le ge go le bjalo, phokotšego ya bokgole magareng ga mafelo a mabedi e ka ama kudu goba go gatelelwa ke tiragalo ya lefelo le le nyakegago goba ya selo magareng ga mafelo a mabedi. Lefelo le le bjalo le bitšwa monyetla wo o tsenelelago gomme e ka ba se sengwe le se sengwe go tloga go moepo, toropo, lefelo la diphoofolo, lefelo la setšo goba la sedumedi, mafelo a mabotse a tlhago goba lefelo le lengwe le le lengwe leo batho ba ka nyakago go le etela goba go direla kgwebo go lona. Ke molao wo bohlokwa kudu go thutafase ya kgwebo le thutafase ya boeti, ka gobane lefelo la boeti le le lego kgauswi le go ba magareng ga ditoropo tše pedi tše kgolo le tla etelwa ka batho ba bantši go feta leo le lego kgole kudu le dineteweke tše kgolo tša dinamelwa. Gabotsebotse, lefelo le le tsenelelago ke lefelo le lengwe la go dira kgwebo lefelong la kgauswi la mafelo a magolo a a lego gona a kgwebo goba mafelo a boeti. Le ge go le bjalo, bagwebi bao ba nyakgo go hloma mafelo a boeti ba tla eletšwa gabotse go nyaka mafelo a a tlago go holega go mafelo a mangwe a dikgoketšo tše kgolo. Lefelo la Bohwa bja Lefase la Motheo wa Tlhabologo (Cradle of Humankind) le lehlogonolo ka gobane le kua Gauteng kgauswi le Pretoria le Johannesburg, mola mafelo a boeti bjalo ka Dullstroom, Sabie le Graskop ka moka a ka bonwa bjalo ka menyetla ye e tsenelelago magareng ga Johannesburg (le Pretoria) le Lešoka la Bosetšhaba la Diphoofolo la Kruger.
