inthapolešene — Sesotho sa Leboa

Go Thutafase, e akaretša tshepetšo ya go tsenya tekanyetšo goba ditekanyetšo tše amogelegago magareng ga ditekanyetšo tšeo di šetšego di hlomilwe goba di etšwego gabotse tšeo di akantšwego mmepeng. Ga e le gabotse, ke tshepetšo ya go dira diphopholetšo tše di theilwego tsebong ya ditherešo. Borathutafase ba ela hloko ditekanyetšo ka moka tše di šetšego di etšwe, ditekanyetšo tše di laetšago maitemogelo le tshedimošo ka moka ye nngwe ya kabo ya sekgoba mabapi le lefelo le le mepilwego le go dira dikakanyetšo tša thutamahlale tša maikaraelo tša se ditekanyetšo tše di sa elwago e ka bago sona. Inthapolešene le go akanyetša di bohlokwa kudu dinyakišišong tša sekgoba. Go sa šetšwe lebaka la gore inthapoleišene ka setlwaedi e akaretša tekanyo ye itšego ya kakaretšo, inthapolešene ga e ganane le dipoelo tša dinyakišišo tša thutafase. E ka se be go feteletša go bolela gore “se ke se borathutafase ba se dirago”. Le ge go le bjalo, ga se ka moka se borathutafase ba se dirago. Go ya le ka dipoelo tša thuto ye e atlegilego go lefelo le tee goba a mantši a go ithuta, dipolelelo-pele goba dikakanyetšo di ka dirwa mabapi le mafelo a mangwe. Le ge inthapolešene e akaretša kakaretšo ya lefelong le tee la go ithuta, dipoelo mogongwe di ka akanyetšwa ka go diriša datha ye e tsebegago goba maitemogelo a go feta go mafelo a mangwe ao a swanago (bona “ekstrapoleišene”.)

English Afrikaans isiZulu

Back to main concept page

← Previous concept Next concept →