Help
kgetho ya boeti — Sesotho sa Leboa
Ketelo go lefelo goba tikologo ntle le go le senya ka batho ba bantši gape ntle le go kgotlelela lešaba le le ntši la baeti. Go kgona go ka fihlelela maikemišetšo a a lego tlhalošong ye, mohuta wo o fapanego wa boeti, wo o bitšwago kgetho ya boeti, o hlabolotšwe mengwageng ye 30 ya go feta. Go fihlelela maikemišetšo a pele, magato a a itšego a taolo a swanetše go tšewa go thibela mafelo a boeti a sensethifi kudu go tshenyo ye e bakwago ke baeti ba bantši kudu (bona “bokgoni bja go rwala”). Ge magato a a taolo a sa tšewa, lefelo le ka senyega go fihla boemong bjo e lego gore katlego ya lona e ka senya methopo ya lona. Maikemišetšo a bobedi a fihlelelwa ka go hlabolla mafelo a kgetho a baeti. Bjale ka ge batho ba bantši ba ipshina ka go etela mafelo a a tletšego ka batho bjalo ka Disneyland gomme ga ba tshwenye ke mašabašaba le methaladi ye metelele ya batho, karolo ye bohlokwa ya batho ba ikwa ba “dikaneditšwe” gape le go tšhaba go gatwa ke mašaba a baswa ba ba kitimišago Mickey Mouse. Bagwebi ba lemogile gore go na le sekgoba se segolo mmarakeng wa boeti gomme ba thoma go hlabolla mehuta ya go fapanafapana ya mafelo a kgetho go ka thuša batho ba ba nyakago go kgatha tema boeting, eupša ba efoga mafelo a boeti a a tletšego. Ka go dira bjalo, mafelo a mantši a boeti ao a fapafapanago kudu, a kgetho ya boima bja tlase a hlabolotšwe mengwageng ye masometharo ya go feta. Mo go khonthinamo ya boima bja baeti kgetho ya boeti e kgole le boeti bja mašabašaba, eupša kgetho ya mafelo a boeti gape e bopa khonthinamo go tšwa go mafelo a boima bja tlase go ya go maitemogelo a lefelo a nnoši a a kgethegilego. Kgetho ya boeti e ka se tsoge e tšeetše boeti bja mašabašaba legato, eupša go ba gona ga yona go godišitše mmaraka kudu.
