Help
phatlalatšo ya haerakhi — Sesotho sa Leboa
Tshepetšo moo selo se se kgomegago (se kago kgwathwa, sa mmele, dilo tše kago kgomega) goba seo se ka se kgomegego se otlollago kabo ya sona ya sekgoba goba tiragalo go tšwa go lefelo le legolo la khuetšo go ya go mafelo a mannyane ao a sego bo bohlokwa gomme mafelelong go ya go lefelo le lengwe le le lengwe le le nnyane kae le kae. Haerakhi ke peakanyo ya dilo goba mafelo go ya ka bogolo, khuetšo le tumo goba ga ešita le go ya ka poeletšo ya ditiragalo ya dipharologantšho tše di fošagatšego (goba dika) bjalo ka go ineela go dinotagi goba palo ya dipolao tše di dirilwego. Dilo tše mpsha di na le go phatlalala go tloga go mafelo a magolo, a khuetšo go ya go mafelo a kgole a mannyane. Seo se ra gore a phatlalala go tšwa bogodimong bja haerakhi go ya tlase. Fešene (go swana le go apara pholiši ya manala ye ntsho) goba mohuta wa mmino o ka thoma kua New York City, eupša ka pela wa phatlalala go ya ditoropong tše dingwe tše kgolo tša USA le London gape le go ya toropong ye nngwe le ye nngwe le torotswana gomme mafelelong le go ya metsaneng ye mennyane mo gohle lefaseng. Tšhomišo ya dillathekeng ka Afrika Borwa ke mohlala wa go kgahliša wa phatlalatšo wa haerakhi woo o gapeleditšego dikhamphani tše kgolo tša dipoledišano go ka katološa dineteweke tša tšona tša ponagalo go ya mafelong a kgole gore batho ba kgone go šomiša dillathekeng e sego fela ditoropong, eupša le dinagamagaeng le mafelong a dithokgwa tše di rilego kgole le mafelo ao a sa tlwaelegago. Phatlalatšo ya go tuma ga dineteweke tša leago tša inthanete bjalo ka Facebook le Twitter ga di a direga ka haerakhi, eupša phatlalatšo ya ditlhomo tša kamogelo ya datha ya satalaete ya ponagalo e diregile ka haerakhi.
