Help
mekgatlo ya dipolitiki ya go šireletša tikologo — Sesotho sa Leboa
Mekgatlo ya dipolitiki yeo e nago le tikologo bjalo ka molao wo mogolo ya melaotheo le dipholisi tša yona (bona “dipolotiki tša tšhireletšo ya tikologo. Ka lebaka la tshwenyego ya kakaretšo go tikologo, babouti ba nyaka baemedi ba dipolitiki bao ba tlago šireletša ditikologo tša ka nageng le tša lefase ka bophara. Dinaga tše ntši tše di hlabologilego, tša temokrasi tša Bodikela bja Yuropa (go fa mohlala Germany, England, Sweden, Denmark, Norway, the Netherlands, Belgium, France le Austria), USA, Canada, Australia, New Zealand, Japan, Iceland le tše dingwe di na le mekgatlo ye e feletšego ya tšhireletšo ya tikologo. Mekgatlo ye e ipshina ka thekgo ye kgolo ya setšhaba mo e lego gore mabakeng a mantši e kgona go dira mebušo ya mohlakanelwa ka gare ga dipolitiki tše di tlwaelegilego. Dinageng tše di sa hlabologago, dipolitiki di laolwa ke dipotšišo tše dingwe go e na le tša tikologo, gomme tikologo ga se selo seo se kgathago tema ye kgolo dipolitiking tša mehleng.
