Help
taolo — Sesotho sa Leboa
Ditiro le mokgwa tšeo ka tšona mmušo goba moemedi wa wona goba bolaodi bo dirišago taolo le maatla go setšhaba (batho) se se rilego goba go mediro le ditiro tša mafapha a, goba dihlopha ka gare ga, setšhaba. Ka mantšu a mangwe, ke tsela yeo ka yona dipholisi le diphetho tša mmušo wa lehono di dirwago ka gona, go laolwa, go tiišwa le go hlokomelwa. “Go fetišetša maikarabelo goba tsholo go yo mongwe” go direga gantši mabapi le tikologo. Le ge lefelo la bohwa la lefase bjalo ka Cradle of Humankind le wela ka tlase ga taolo ye e feletšego le boikarabelo bja dietšente tše dingwe tša UN (tabeng ya mafelo a bohwa a lefase, etšente yeo ke UNESCO), taolo ya nnete le bolaodi bja lefelo bo filwe bolaodi bja bosetšhaba ka Afrika Borwa, e lego dikgoro tša bosetšhaba le selegae tša tikologo, tša thutamahlale, tša theknolotši, tša boeti le tša setšo, tšeo gape di fetišetšago phethagatšo ya diphetho go bolaodi bja selegae le ga ešita le go baetapele ba setšhaba le ditšhaba ka botšona. Ka lebaka leo, mmušo wa gare gantši o akaretšwa ka go lebanya go ditaba tša poloko ya tikologo, paleontolotši le akheolotši le taolo ya letšatši ka letšatši ya mafelo a a tsebagaditšwego. Le ge go le bjalo, mafelelong mongwe goba mokgatlo wa taolo o swanetše go amogela boikarabelo. Tlhalošong ya ka godimo, taolo ya tikologo e šomišwa bjalo ka mohlala, eupša gantši goba ga nnyane sa go swana le seo se direga lekaleng lefe goba lefe le lengwe la bophelo, go fa mohlala lekala la maphelo, la thuto, la dipapadi, la dintlo, la tšhireletšo, la ditirelo tša leago, bjalobjalo.
