Help
albedo — Sesotho sa Leboa
Maatla a letšatši a amogelwa ke Lefase ka sebopego sa phišo ya mahlasedi a maphoto a makopana a a bitšwago insoleišene. Bokagodimo bja Lefase bo bonagatša kelo ye e rilego ya phišo ya mahlasedi ye e tsenago lefaufaung. Rešio gare ga kelo ye e tsenago ya phišo ya mahlasedi le kelo ye e bonagatšwago e hlalošwa bjalo ka phesente gomme e bitšwa albedo. Dimelo tša bokagodimo bja Lefase bo laetša phesente ye e bonagatšwago, gomme dimelo tše di fapana go tloga lefelong go ya go le lengwe. Madiba a meetse, dinaga tša bjang, dithokgwa tša mogarafase, maganata, mahlwa le mafelo a dinaga ditoropong ka moka a na le dialbedo tša go fapanafapana. Lehlwa le tla bonagatša phišo ya mahlasedi a le a amogelago, mola lefelo le leso, le le talamorogo, la dimela le tla nweletša bontši bja phišo ya mahlasedi a a tsenago. Ka lebaka leo, albedo e ya fapana go tloga lefelong go ya go le lengwe bokagodimong bja Lefase. Mafelo a mmala wa go taga bjalo ka maganata a mohlaba le mahlwa a bonagatša phišo ya mahlasedi ye ntši go feta mafelo a maso bjalo ka madiba a meetse le mafelo a dimela.
