Help
leboa la lefase — Sesotho sa Leboa
Kabo ya sekgoba (bona “tlhabollo ya sekgoba”) ya dinaga tše di hlabologilego (“tša go huma”) (bona “dinaga tše di hlabologago”) lefaseng e hlaloša phethene ya go itlhaola. Dinaga tše ntši tše di hlabologilego di hwetšagala karolong ya lefase ya ka leboa, ka ntle le dinaga tše pedi, e lego Australia le New Zealand. Dinaga tše di hlabologilego di na le palo ya godimo ya ditšweletšwa tša setšhaba (GNPs), palo ya godimo ya ditšweletšwa tša ka nageng (GDPs), le ditšhupane tša godimo tša tlhabollo ya batho (HDIs) (bona “tlhabollo” le“dinaga tše di hlablogago”). Go tloga mafelelong a bo1960 go ya go fihla ka bo1970 sekgala magareng ga dinaga tše di hlabologilego le dinaga tše di hlabologago se ile sa bonagala kudu gomme sa dirwa go ba sa dipolitiki. Palo ya mekgatlo ya boditšhabatšhaba bjalo ka Kopano ya Ditšhaba (UN) le Mokgatlo wa Kgwebišano ya Lefase (WTO) di matlafaditše dinyakišišo go sengwalwa sa bahumi-kgahlanong le-bahloki gape le ditlamorago tša sona tša ekonomi le politiki. Ka 1980, UN e patlaladitše se se bitšwago Pego ya Brandt , yeo e reeletšwego ka Ngaka Willy Brandt, Mokanseliri wa maloba wa Repapliki ya Federale ya Jeremane (Jeremane Bodikela) le mothekgi wa go hlomphega wa Setšhaba sa Ekonomi sa Yuropa (EEC), gape le Modulasetulo wa Khomišene ya Brandt ya UN. Go ka nolofatša tlhalošo ya diphethene tša kabo ya sekgoba sa lefase sa lehumo le tlhabollo, bohloki le go se hlabologe, maina a “Leboa la go huma” le “Borwa bja go diila” a ile a hlolwa. Dilo tše tše pedi di swanetše go aroganywa ka se se bitšwago mothaladi wa Brandt (bona “tlhabollo” le “dinaga tše di hlabologago”). Maina a a tsemile medu go lithereitšha ya thutamahlale le ya mengwageng ya gare. Ge maina “go huma” le “go diila” a ile a bonwa bjalo ka maina a kgobošo, tšhomišo ya “ya lefase” ya ba setlwaedi. Mothaladi wa Brandt o na le sebopego sa go ikgetha, bjalo ka ge o akaretša Japan le South Korea go Leboa la go huma o theogela fase borwa go akaretša Australia le New Zealand go ya Leboa la go hlabologa. Le ge mothaladi wo o sa šomišwa, mo sebakeng sa go se fediše pelo ga o sa tlo dirišwa ka ge dinaga tše mmalwa tše di hlabologago ga bjale e le tše di fetogago (CITs) gomme dinaga tše di bitšwago tša BRICS, ye e emetšego Brazil, Russia, India, China le South Africa (bona “dinaga tše di fetogago”), ga di fiwe temogo ya go ikgetha ke mothaladi wa Brandt.
