mpshafatšo ya meago — Sesotho sa Leboa

Tshepetšo ya go tsošološa le go mpshafatša meago ya kgale ya ditoropong ye e hlagetšego. Mpshafatšo ya meago e bonala e le karolo ya go tlwaelega ya tlhabollo ya histori goba saekele ya ditoropo tše kgolo lefaseng ka bophara. Gantši ke bogare bja toropo bja pele, bja kgale, bja histori le seletegare sa kgwebo goba CBD (bona “seletegare sa kgwebo”), boemakepe bja kgale le mafelo a boemakepe, gape le dilete tša bodulo tša kgale tšeo di se sa šomišwago, tše di senyegilego le tše di tlogetšwego. Batho bao ba se nago mafelo a go dula, barekiši ba diokobatši, le bagwebakathobalano gantši ba na le go dula mafelong a bjalo, gomme bomenetša le tšhilafalo ya meago di a tšwelela. Dikolo le dikereke le tšona di a hlagala ka ge batho ba bantši ba hudugetše go tše mpsha, tša sebjalebjale le go disabapo tša go tura kgole le CBD ya kgale. Le ge go le bjalo, boemong bjo bo rilego, makala a praebete le a profešene a ekonomi ya toropo gape le bahumi ba setšhaba sa yona, gantši ka tirišano le bohlankedi bja mmušo, ba tšea sephetho sa go mpshafatša CBD ye e hlagetšego. Meago ya kgale e ya tsošološwa le go dirwa mafelo a go dula a go tura le mabenkele le diofisi tša go hlomphega, mola dintlo tša kgale di mpshafatšwa le go lokelwa ditlabakelo tša sebjalebjale tša go tura. Ba go huma le dinala, batho ba go tuma le bašomedi ba botumo bjo bobotse ba bušetša morago ditiro tša bona tša dikgwebo le madulo le tsošološo go CBD le mafelo a boemakepe a bjale a lego botse, a mpshafaditšwego. Go na le mehlala ye mentši ya ditlhabollo tša ditoropo tše bjalo dinageng tše di hlabologilego tša lefase. Ka Afrika Borwa, Waterfront kua Cape Town, mafelo a diintasteri kua Durban le CBD ya kgale ya Johannesburg ke mehlala ye e tlwaelegilego, le ge e le gore mpshafatšo (goba mpshafatšo ya meago) ya Johannesburg CBD e sa kgatlampana.

English Afrikaans isiZulu

Back to main concept page

← Previous concept Next concept →