Help
tšhilafalo ya moya — Sesotho sa Leboa
Boemo bja maemo a godimo a dikarolo tša mašaledi lefaufaung go bokagodimo bja Lefase. Boemo bjo bjalo gantši ke bja antropotšeniki, ke go re, go bakwa ke ditiro tša batho. Ka tlwaelo lefaufau mo bokagodimong bja Lefase le na le phesente ya 0,04 ya dikarolo tša mašaledi, eupša ge batho ba ntšha kelo ye ntši ya khaponetaoksaete le/goba monokosaete, salfataoksaete le/goba oksaete, dioksaete tša naetrotšene, dihaedrokhapone (bjalo ka methane), dikarolwana (dikarolwana tše tiileng bjalo ka lerole), le metswako ya klorofluorokhapone (diCFC), phesente ya dikarolo tša mašaledi e ya phagamišwa. Moya wo o nago le dikelo tša godimo tša ditšhilafatši tše o ka ba le kotsi goba go ba le mpholo wo montši go batho, gomme mafelelong o ka fetoša boemo bja klimate Lefaseng (bona “pula ya esiti” le “phetogo ya klimate”).
