Help
pelego — Sesotho sa Leboa
Khwalithi ya go kgona go ka belega. Go Thutafase, lereo le le šomišwa gantši ka kgokagano le ditšhaba tša batho le koketšego ya setšhaba. Go dithutamahlale tše ntši, pelego e bonwa bjalo ka bokgoni bja mosadi yo mongwe le yo mongwe wa setšhaba go ka belega bana. Ditšhabeng tše dingwe, basadi ba belega bana ba banyane go e na le go tše dingwe. Kelo ya pelego ke tekanyo ya go hlaloša palo ya bana bao mosadi yo mongwe le yo mongwe e swanetšego go ba belega. Ka nnete, dinomoro ke tša magareng gomme di hlalošwa ka difegelwana gomme ga di dirišwe go mosadi yo mongwe le yo mongwe. Palomoka ya kelo ya pelego (TFR) ke palo ya masea a mosadi yo mongwe le yo mongwe setšhabeng a letetšwego go ba le ona. Kelo ya pelego ya lefase ya bjale ke 3,1. Bjale ka ge se e palogare ya lefase ka bophara, ga e abe tshedimošo ye ntši mabapi le lefelo goba naga e tee ye itšego. Dinageng tše ntši tša Afrika, basadi gantši ba belega bana ba seswai goba lesometee, eupša dinageng tše dingwe, ba ba le ngwana o tee, goba ba babedi goba ba bararo. Kua China ke mengwagangwaga ba sa dumelelwa go ba le bana ba go feta o tee (thibelo ye ga bjale e fedišitšwe). Kelo ya pelego ga e laetše kelo ya kgolo ya setšhaba, ka ge masea le bana ba ka hwa, eupša palo ya gare ya bana ye mosadi yo mongwe le yo mongwe e lebeletšwego go ba le bona, ke taetšo ye kaone ya ka fao setšhaba se ka bago se gola ka pela ka gona, gomme ke palopalo ye bohlokwa go ka bapetša ditšhaba tša go fapanafapana.
