Help
segole sa phetolo — Sesotho sa Leboa
Saekele ye nnyane ya go ipušeletša ka gare ga sestemo ye kgolo ye e bulegilego ya maatla le kelelo ya selo. Disestemo tše ntši tša go bulega di na le digole tše ntši tša phetolo. Disestemo tše bjalo di šoma go molawana wa taolo ya phetolo. Boemong bjo bo itšego ka gare ga sestemo, maatla a a lekanego goba selo (ke go re, maatla a selo se nago le ona) a elela pele sestemong go feta magomo a mollwane gomme a baka tshepetšo ya phetolo sestemong. Mohlala wo bonolo ke segole sa phetolo sa bafaladi goba phalalelo ye e sego molaong go tšwa nageng e tee go ya go ye nngwe. Mazimbabwe ba bantši ba hudugetše ka Afrika Borwa ge maemo ka Zimbabwe a e ba boima go ka a kgotlelela. Mazimbabwe ga sa ka ba gomišetšwa morago, eupša ba fiwa botšhabelo le ditokelo tša bodulo bja nakwana gomme ba thoma bophelo bjo boswa. Se se ile sa hlohleletša Mazimbabwe a mangwe go dira se se swanago, seo se ilego sa matlafatša segole ka moka sa phetolo. Phalalelo ya go se fele ya Mazimbabwe ka Afrika Borwa e ile ya thoma. Se gantši ke segole se se botse sa phetolo. Ge nkabe bafaladi ba mathomo ba ile gomišetšwa morago, segole sa go swarelela se be se ka se be gona gomme segole se sebe sa phetolo se ka ba se bile gona ka ge Mazimbabwe a be a ka se dume go hudugela ka Afrika Borwa, gomme bao ba bego ba le ka Afrika Borwa ba be ba tla nyaka go tloga ka nageng. Disestemong tša tlhago, phetolo e tlwaelegile kudu. Tshenyo ya dimela lefelong e baka kelelo ya meetse ye e oketšegilego, ye e bakago kgogolego ye e oketšegilego ya mobu wa godimo gomme e feleletša go tlošo ye e oketšegilego ya llaga la ka godimo. Ge go bjalwa gape dimela seloupung se se gogotšwego, phetolo ye mpe ka pelapela e ba gona, gomme kgogolego ya mobu e ya emišwa gomme e ka laolega. Diswantšho tša papišo (dibopego tša papišo) gantši di šomišwa go emela seswantšho sa digole tša phetolo ka gare ga sestemo.
