Help
ekesetrapolešene — Sesotho sa Leboa
Phetišetšo ya dipoelo tša dinyakišišo tša khwalithethifi, tša emperikale go tšwa lefelong la thuto e tee go ya lefelong le lengwe ntle le go ka leka pele ge e ba dipoelo di loketše lefapha leo goba aowa. Go dithutamahlale tše ntši – gomme kudukudu dithutamahlale tša sebaka bjalo ka Thutafase – se ke selo se kotsi kudu go ka se dira. Go mafapha a a itšego a botsebi a Thutofase, ekesetrapolešene e ka kgonthišišwa ka thutamahlale, eupša ge dipoelo tša dinyakišišo di theilwe go datha ye bohlokwa, ya lefelo le le itšego, ekesetrapolešene e swanetše go dirwa fela ka tlhokomelo e kgolo, goba go se dirwe, ntle le ge go na le kgonthišišo ye maatla ye e theilwego go teori ya go ka e dira. Borathutafase ga ba a swanela go akanya gore seo se loketšego lefelo le tee gape se ka lokela le lengwe. Go se swane le inthapolešene (bona “inthapolešene”) moo kakaretšo ya kgonthišišo ya magareng ga mafelo e šomišwago gantši, ekesetrapolešene ke kakaretšo ya magareng ga mafelo gomme ga e šomišwe gantši ka gobane e boima go e kgonthišiša ka thutamahlale. Go Thutafase, bobedi dikakaretšo tša ka gare ga mafelo le magareng ga mafelo di swanetše go swara ka tlhokomelo. Gopola gore ke thuto ya diphetogo tša sebaka gomme molawana o mabapi le batho goba wa moswananoši o swanetše go elwa šedi ka dinako ka moka (bona “tšeotaebesiti” le “inthapolešene ya sebaka”).
