Help
kgogolego — Sesotho sa Leboa
Sehlopha sa ditshepetšo tša tlhobodišo se se gogolago bogodimo bja naga ka ditiro tša mekhenikhale le/goba tša khemikhale. Marathana a a hlolwago ke thubego ya maswika a tlošwa ke e tee goba tše ntši tša dietšente tša kgogolego, e lego mosepelo wa lehlwa, moela wa meetse (moela wa meetse nageng, gape o bitšwa kelelo ya meetse, le dinoka), maphoto a lewatle, moya, le mosepelo wa mokgobo (bjalo ka go kgerega ga mobu) tše di bakwago ke maatlakgogedi (bona “go tšhanela” le “kgerego ya mobu le maswika”). Etšente ya kgogolego ye e nago le marathana e tla gopa (gohla) mafelo a e sepelago go ona gomme marathana a dikarolwana ona gape a tla gogolwa ke go gopega le thulano (go thulana). Moela wa meetse gape o ka tloša materiale ka motswako ge materiale wo o nwelela, bjalo ka khalesiamo khaponeiti go tšwa go kalaka le maswika a dolomaete, a nwelela meetseng. Kgogolego e fapane le thubego ya maswika ka ge kgogolego e akaretša tshepetšo ya materiale wo o thubilwego (bona “thubego ya maswika”).
