Help
ekhwithi — Sesotho sa Leboa
Go Thutafase, lereo “ekhwithi” le šomišwa ka kgokagano le toka, tekatekano le go se kgetholle. Lereo le le šomišwa gantši go taolo ya tikologo ka kgokagano le toka ya tikologo le ditlhahlobo tša khuetšo ya tikologo, tekolo ya tikologo, tlhahlobo ya tikologo, bjalobjalo (bona “toka ya tikologo”, “tekolo ya tikologo” le “tlhahlobo ya tikologo”). Ditiro tše tša tikologo di swanetše go ba tše di lokilego le tše di kwagalago e sego tša bomanomabe. Ditekolo tša khuetšo ya tikologo le ditshekatsheko tša tikologo ga di a swanela go hlokomologa dikgahlego le matshwenyego a mokgatlo ofe goba ofe wa kgahlego le wo o amilwego (diIAP) (bona “mekgatlo ya kgahlego le ye e amilwego” le “taolo ya tikologo”). Ekhwithi e bohlokwa kudu lefapheng la tikologo bjalo ka ge tšhelete gantši e na le maatla go bodiidi, mola bahumi le badiidi ba na le monyetla wo o lekanago go tikologo ya go hlweka ye e thušago. Tlošo ya kgapeletšo ya setšhaba sa go diila go ka aga lefelo la kolofo nageng ya bona ke bokgopo – eupša ka bomadimabe go tlwaelegile – go direga lefaseng la rena la mehleng yeno. E ka ba se se lokile goba ke se se kwagalago? Go na le kgopolo ya bobedi moo “ekhwithi” e kago šomišwa go Thutafase gomme seo ke thutafase ya ekonomi ge go bolelwa ka dišere (go Stock Exchange).
